Təcrübənin təşkili şöbəsinin müdiri, f.f.d.
Tələbələrin ixtisas təcrübəsi müvafiq təhsil proqramının tərkib hissəsidir. Təcrübənin təşkili, həcmi, məqsədi və keçirilmə müddəti mütəxəssis hazırlığı aparan müvafiq istiqamətlər (ixtisaslar) üzrə dövlət təhsil proqramı ilə müəyyənləşdirilir. UNEC-də təcrübə üçün ayrılmış kreditlər nəzərə alınmaqla, aşağıdakı ixtisas qrupları üzrə əyani təhsilalma formasında təhsilin IV ili, qiyabi təhsilalma formasında isə təhsilin V ilinin yaz semestrində olmaqla respublikadaxili və respublikadankənar müəssisə və təşkilatlarda istehsalat təcrübəsi təşkil edilir.
Şöbə fəaliyyətini aşağıdakı istiqamətlərdə həyata keçirir: tələbələrin ixtisas təcrübələrinin təşkili, təcrübənin təşkili və gedişinin təkmiləşdirilməsi və təcrübəyə nəzarət etmək; təcrübənin təşkili və gedişinə metodiki, əməli rəhbərliyi həyata keçirmək, təcrübənin yekun sənədlərinin hazırlanmasını təşkil etmək; təcrübənin təşkili sahəsində təcrübə rəhbərləri, ixtisas kafedraları tərəfindən müəyyən edilmiş müəssisələrlə müqavilələrin bağlanmasını təşkil etmək; təcrübə proqramlarını təcrübə obyektləri ilə razılaşdırmaq; müəssisə təcrübə rəhbərlərini müvafiq təcrübə sənədləri ilə təmin etmək.
