İsmayılova Pərvanə 26 sentyabr 1992-ci il tarixində Zaqatala rayonunda anadan olub.

• Orta təhsil – Ş.Qurbanov adına Zaqatala şəhər 3 saylı orta məktəb
• Bakalavr – Azərbaycan Dövlət İqtisad Universiteti, “Turizm və otelçilik” ixtisası (2009–2013)
• Magistratura – Azərbaycan Turizm və Menecment Universiteti, “Turizm bələdçisi” ixtisası (2013–2016)
• Doktorantura – Azərbaycan Dövlət İqtisad Universiteti, “Ümumi İqtisyyat” ixtisası (2020–hal-hazırda)

2013-cü ildə “Royal” oteldə qeydiyyatçı və daha sonra mühasib vəzifələrində çalışıb.
2015-ci ildə “Time to Travel” səyahət agentliyində marketinq meneceri vəzifəsində işləyib.
2015–2017-ci illərdə Zaqatala rayonunun Mosul kənd Mədəniyyət evində bədii rəhbər vəzifəsində çalışıb.
2017-ci ilin sentyabr ayından Azərbaycan Dövlət İqtisad Universitetinin (UNEC) Zaqatala filialında müəllim kimi pedaqoji fəaliyyətə başlayıb.

2020-ci ilin aprel ayından UNEC-in “Ümumi iqtisadiyyat” ixtisası üzrə doktorantıdır.
2020-ci ildən etibarən turizm sahəsində təlimçilik fəaliyyəti ilə məşğuldur. 2021-ci ildən KOBİA nəzdində Zaqatala KOBİM-in təlimçisidir.
2021-ci ildən başlayaraq turizm bələdçiliyi üzrə bir sıra dövlət və qeyri-hökumət layihələrində təlimçi kimi iştirak edib.
2022-ci ilin sentyabr ayında UNEC-in Zaqatala filialında baş müəllim vəzifəsinə təyin olunub.
2024-cü ilin 1 aprel tarixindən etibarən UNEC Zaqatala filialında “İqtisadiyyat və idarəetmə” bölməsinin rəhbəri vəzifəsində çalışır.

Pərvanə İsmayılovanın 20-dən artıq yerli və beynəlxalq konfrans və jurnallarda məqalələri dərc olunub. Əsas tədqiqat istiqamətləri turizm, innovasiya, insan kapitalı və iqtisadi inkişaf mövzularını əhatə edir.
Məqalələri bir sıra nüfuzlu jurnallarda, o cümlədən Scopus bazasında indeksləşdirilən nəşrlərdə yer almışdır.
2021-ci ildə Dövlət Turizm Agentliyinin sponsorluğu ilə nəşr olunan “Turizm destinasiyalarının idarəedilməsi” kitabının həmmüəllifidir.

2021-ci ilin iyun ayında UNEC rektoru professor Ədalət Muradov tərəfindən “Fəxri Fərman”la təltif olunub.
Elm və Təhsil Nazirliyinin Təhsildə İnkişaf və İnnovasiyalar üzrə VII və VIII qrant müsabiqələrinin qalibi olmuş bir neçə layihədə ekspert və köməkçi kimi fəaliyyət göstərmişdir.

Ailəlidir.